Kasado na an gabos para sa bakbakan ninda eight-division world champion Manny Pacquiao asin reigning World Boxing Council (WBC) champion Mario Barrios na maarangkada ngunyan na aldaw sa MGM Grand Garden Arena sa Las Vegas, Nevada.
Sarong aldaw antes man an laban, parehong laog sa timbang sinda Pacquiao asin Barrios sa kinundisir na weigh-in.
Nilalaomang matinding salpukan an madadalan kan mga taga antabay orog na ta parehong paha sa kapangganahan an duwang boksingero. Ini man an enot na pagkakataon na mahihiling si Pacquiao sa professional boxing makalihis ann apat na taon na pagreretiro.
Kaya man ibubulos kaini an gabos tangani magkaigwa nin marahay na resulta an saiyang pagbabalik sa ring.
Pakay ni Pacquiao na maitarak an upset win laban sa mas huben asin mas halangkaw na si Barrios.
Huring nakasungkit nin trayumpo si Pacquiao kan nakalihis pang 2019 kan daugon kaini si Keith Thurman.
Mientrstanto, dae man nahahandal si Barrios sa ibong kan pagigin beterano ni Pacquiao.
Mayong sasantuhon si Barrios sa oras na magkrus an saindang landas ni Pacquiao huli ta tapos na soboot an oras kaini sa boksing.
Lamang si Barrios sa betting sites alagad dae ini iniintindi ni Pacquiao. Tuod na an Pinoy pug na magin underdog sa saiyang mga nakalihis na laban.
