Nabisto na an labi sa 200 biktima kan kasuarin sana na Air India plane crash sa paagi kan DNA testing.
Marurumduman na igwang sarong nakasalbar sa 242 na pasahero asin crew kan eroplano na pasiring sa London kan ini an magbagsak sa residential area kan Ahmedabad, na ikinagadan man kan nasa 38 na tawo sa lugar.
An mga namumundong kapamilya kan mga biktima an tinawan nin DNA samples tanganing matabangan an mga ini na mabisto an saindang pamilya maski sa makulog na proseso.
Kasuudma, nagpakol na sa 208 na biktima an nabisto sigun ki civil hospital’s medical superintendent Rakesh Joshi.
An Boeing 787-8 Dreamliner an nagsabog pirang minuto sana makalihis an takeoff na nagin rason sa pagkasulo kan mga lawas kan lunad kaini.
Mientrastanto, an mga otoridad sa India dae pa pig-aanunsyar an rason kan insidente kun saen an mga imbestigador gikan man sa Britain asin United States an nagtabang namam.
Mawot kan mga imbestigador na makakua nin importanteng impormasyon sa mga black boxes na narekober sa site magin an cockpit voice recorder asin an flight data recorder.
Sa ngunyan, makalihis man an insidente an civil aviation regulator nagsugo nin inspeksyon para sa Air India’s Dreamliners.
