Nagpakol na sa 5.2 milyon an mga botante na dineactivate kan Commission on Elections (Comelec) para sa 2025 National and Local Elections (NLE).
Sa pinakahuring datos kan Comelec, hasta kan Agosto 2, nasa 5,216,625 an deactivated voters kun saen kadaklan an nabigong magboto nin duwang magkasunod na eleksyon, nawara an Filipino citizenship, asin iba pa.
Mientrastanto, nasa 487,721 botante an dagusan man na pighali sa voter’s list.
Kadaklan man sa pighali sa listahan an nakumpirmar na binawian na nin buhay asin igwang double o multiple registration.
Pwede pa man soboot na mag-aplay an mga deactivated voters kan reactivation antes an 2025 midterm elections.
