Kanselado an gabos kan biyahe sa nagkapirang pantalan sa Luzon, Visayas, asin Mindanao ngunyan na Biyernes.
Sigun sa Philippine Ports Authority (PPA), ini an huli pa man sa epekto kan Bagyong Ada na padagos na nagrarani sa nasyon.
Kabali sa mga kanselado an gabos kan biyahe nin mga lunadang pandagat sa mga Port Management Office sa Bicol, Masbate, Eastern Leyte/Samar, Western Leyte, Biliran, asin Surigao.
Pigsaysay kan PPA, otomatikong kanselado an biyahe enkaso nag-isyu an Philippine Coast Guard (PCG) nin no sail policy huli sa maraot na panahon.
Sa pinakahuring datos kan PCG, labi 5,300 na pasahero an presenteng stranded sa mga pantalan, mantang labi 2,000 rolling cargoes asin 21 barko an dae makabiyahe.
Apwera pa ini sa 11 barko na paramientras na nakadaong huli sa maraot na panahon.
