Labing ₱841 milyon na pondo kan Flood Control Project an ibinalik sa National Treasury, segun sa Department of Justice (DOJ).
Sa pamahayag sa DOJ kan nakalihis na Miyerkules, si DOJ spokesperson Atty. Polo Martinez na uminabot na sa ₱841,381,500 an total na kantidad na ibinalik sa public treasury. Malinaw suboot an direktiba ni Presidente Ferdinand Marcos Jr. na an gabos na narekober na pondo dapat na ibalik sa namamanwaan Pilipino asin papanimbagon sa korte an mga nagbalgar sa tiwala kan publiko.
Segun sa DOJ, an mga nagbalik kan fondo iyo man an mga indibidwal na designado bilang state witnesses. An mga ibinalik na kantidad ipinadara sa Land Bank of the Philippines.
Kabali sa mga nagbalik kan pondo iyo sinda Henry Alcantara na nagbalik nin ₱181.379 million, Sally Santos ₱20 million, Gerard Opulencia ₱140.002 million, asin Roberto Bernardo ₱500 million.
Si Bernardo, dating undersecretary kan Department of Public Works and Highways (DPWH), nag-admitir na may suboot iregularidad sa magkapirang flood control projects asin pag-areglo nin kickbacks o commissions. Mientrastanto, sinabi ni dating DPWH Bulacan District Engineer Henry Alcantara na nagpaluwas siya nin completion certificate para sa soboot ghost flood control project. Si Sally Santos, sarong kontratista asin representante kan SYMS Construction, nagpatotoo man na nagtransfer suboot siya nin mga ₱1.72 bilyon sa dating engineer kan DPWH na si Brice Hernandez para sa mga proyekto sa pagkontrol kan baha.
