Labi pa man an kabiglaan hasta sa ngunyan kan mga basketball fans sa nagyari na pinakadakulang player trades kan Los Angeles Lakers asin Dallas Mavericks.
Dae kaya makatubod an Mavs fans na pakakawaran ninda an star guard na si Luka Doncic karibay si Lakers big man Anthony Davis.
Pigkokonsiderar kan Lakers fans na sarong matinding kaparehas na kan star player na si LeBron James an 25-anyos asin five-time-All Star Slovenian player. Sa lado man kan Dallas, pigsaysay kan saindang general manager na si Nico Harrison na an pagkakakua ninda ki Davis an mapapakusog pa orog na kan saindang depensa.
Nagtutubod kaya ini na kun mawot talaga na magtrayumpo, nagkakanigo na matinding depensa an ipairal. Huli sa nasambitan ng deal o kasunduan, makukua man kan Mavs an guard na si Max Christie asin an 2029 first-round draft pick.
Mantang an Lakers makukua man ninda si Maxi Kleber asin magin si Markieff Morris mantang an Utah Jazz na nasa ikatulong koponan na parte kan nasambitan ng deal makukua si Jalen Hood-Schifino.
Magin an bilog na Lakers team, labi an kabiglaan sa nasabing trade kun saen sinabi man ni James na mayo ini nin anuman na idea na magkakatotoo an trade.
Target man kan Lakers na makua si Philadelphia 76ers veteran wing na si Caleb Martin antes na matapos an trade deal sa NBA sa Pebrero 6. An 29-anyos na si Martin an igwa nin 9.1 points, 4.4 rebounds, 2.2 assists na average kada kawat.
