NAGA CITY- Arestado an sarong lalaki sa ikinasang buy bust opertaion kan mga otoridad sa Lucena City.
Binisto an suspek na si Alyas Mak, 31-anyos, residente kan Purok Ipil Dos, Brgy. 9, sa nasambitan ng siyudad.
Sa nagunon impormasyon kan Bombo Radyo Naga sa Quezon Police Provincial Office, napag-araman na nakabakal sa suspek an poseur buyer nin sarong pidaso kan heat-sealed transparent plastic sachet na pinagtutubodan shabu gamit an P1,000 komo buy-bust money.
Apwera pa digdi, nakumpiskar pa ki alyas Mak, an duwang pidaso kan heat-sealed transparent plastic sachet na pinagtutubodan ilegal na droga asin sa kabilugan, igwa ini nin gabat na 18 grams asin nagkakantidad nin poco mas o menus P367,200.
Sa ngunyan, nasa kustodiya na kan mga otoridad an suspek para sa magkakanigong disposisyon.
