NAGA CITY – Iridu an saro katao makalihis masulo an saindang harong sa Calauag, Naga City.
Sa entrevista kan Bombo Radyo Naga ki Isko Princesa, aki kan maysadiri kan nasambitan ng harong, sinaysay kaini na nagimata na sana siya kan mamatean an init sa laog kan harong asin duman na niya nadiskobreng dakula na an kalayo.
Katakod kaini, tulos na nagdalagan paluwas si Princesa alagad nagsapo man giraray nin lugad sa braso.
Pasalamat man si Princesa na nakaluwas tulos an duwang pamangkin kaini kan mangyari an kasulo.
Sa ngunian, nagpapadagos pa an imbestigasyon kan mga otoridad dapit sa nasambitan ng insidente.
