Aram baya nindo mga ka-bombo, sarong serial Guinness World Record-breaker an nagdalagan sa marathon sa Idaho mantang sulot an nasa 137 T-shirts o igwang gabat na 48 pounds.
Binisto an lalaki na si David “Record Breaker” Rush na iyong may kapot kan pinakadakol na titulo sa Guinness World Records.
Si David an dating may kapot kan orihinal na record para sa igwang pinakadakol na sulot na T-shirts mantang nagpartisipar sa half marathon kan 2019.
Nawara an titulo ki David sa sarong runner na igwang sulot na 127 na t-shirts.
Sigun sa nasambitan ng serial record-breaker nagpuon liwat ining magsairarom sa training tanganing ibulsa an titulo.
Pigpurbaran kaini na liwat makua an record sa pamosong Idaho Potato Half Marathon, alagad pigkanselar huli sa pagkawara nin sirkulasyon kan dugo sa liog.
Sa ngunyan, liwat na nagbalik si David sa marathon ngunyan na taon asin matrayumpong naibulsa liwat an nasambitan ng titulo.
