NAGA CITY- Arestado ang isang lalaki matapos magtago sa awtoridad sa loob ng 22 taon sa Zambales.
Sa panayam ng Bombo Radyo Naga kay PCpt. Mark Spaña, COP- Presentacion MPS, sinabi nito na nitong Nobyembre 2, nagsagawa ng manhunt charlie operation ang kanilang panig kasama ang Botolan MPS na nagresulta sa pagkakaaresto kay alyas Junjun, na 22 taon nang nagtatago sa mga awtoridad dahil sa kasong homicide na nangyari. sa Brgy. Bulalacao, Presentacion, Camarines Sur.
Ayon sa opisyal, sangkot din ang kapatid ng suspek at ang ama nito.
Naaresto na ang kanyang kapatid habang pinaghahanap pa rin ang ama.
