Padagos an pagdagsa kan mga miyembro kan Iglesia ni Cristo (INC) na makikisumaro sa mahewasang rally for transparency puon ngunyan na dominggo, Nobyembre 16.
Sigun sa Manila Police District (MPD), nasa poco mas o menos 14,500 na an nairehistro an nasa Quirino Grandstand pagkaaga pa sana.
Asin padagos pang nadudugangan an nasambitan na numero ngunyan na hapon kun saen iyo an pagpoon kan programa.
May paggabat man kan daloy kan trapiko sa palibot kan Luneta asin sa Roxas Boulevard orog pa na harani an mga service kan mga INC na nagbababa kan mga sakay.
Mientrastanto, namamantinir man na mahigot an seguridad sa palibot kan Malacañang partikular sa mga agihan pasiring digde.
Sa Ayala Bridge, bantay sarado an tulay asin dae man maaagihan an tinampo huli sa makapal na numero kan mga pulis na nakaantabay.
