ARAM baya nindo mga ka-Bombo, nadiskubre sa sarong pag-aadal na igwa nin sarong klase kan mga langgam an kayang operahan an kaibanan nindang langgam na lugadan tanganing isalbar an saiiyang buhay.
Sinabing territorial an mga langgam o matindi an pagbabantay asin pagproteher sa saindang teritoryo.
Kaya man nagigin madahas asin matindi an engkuwentro eknaso igwa nin ibang naglaog sa saindang teritoryo.
Sa sarong pag-aadal sa abroad, napag-aram na an Florida carpenter ants an klase kan langgam na nakahanap nin solusyon tanganing mabulong an lugadan nindang kaibanan.
Pigpuputol ninda an parte kan lawas kan saindang kaibanan na matinding nadanyaran sa paagi kan pagkagat asin saka ninda lilinigan.
An kada pagputol sa parte kan lawas kan mga “surgeon” na langgam an naghahaloy soboot nin nasa 40 minuto.
Mientrastanto, kaya man kan langgam na mag-regenerate o kayang magtubo liwat an naputol na parte kan saindang lawas.
