NAGA CITY- Igwa nang naka-standby na bangka an lokal na gobierno kan siyudad nin Naga sa Julian Meliton Elementary School komo preparasyon sa pagbaha.
Sa nagin paghampang sa mga kagawad kan media ni Naga City Mayor Leni Robredo, sinaysay kaini na dakula an tyansa na magbaha sa siyudad tuyong nagkakaigwa nin kalamidad.
Dae kayang mapugulan an pagbaha mantang dae man kakayanon kan mga drainage kun labi-labi an pag-uuran.
Huli kaini, igwa nang pigtagama na standby na bangka partikular sa nasambitan ng eskwelahan orog na ta duwang beses ining pigbaha kan nakalihis na semana, susog naman sa nagin pahayag kan pamayuhan.
Papahewason man an kanal sa likod kan eskwelahan komo parte kan preparasyon kan siyudad sa panahon nin kalamidad.
Mientrastanto, dae na soboot hahalaton an budget para digde asin gagamiton na sana an budget para sa ibang proyekto.
Sa ngunyan, ma-kriar nin task force an alkalde sa mga lugar na dae tulos nagbababa an tubig siring na sana sa may parteng Conception.
