NAGA CITY- Padagos an lokal na gobierno kan Naga sa pagpapa-abot nin tabang sa mga labing naapektaran kan Bagyong Kristine.
Sa nagin paghampang sa mga kagawad kan media ni Naga City Councilor Joe Perez, sinaysay kaini na igwang kasuguan si Mayor Nelson Legacion na matawan nin pansin an mga sararadit na negosyante na nadanyaran kan baha sa panlalasama kan bagyo.
Katakod kaini, para sa mga nadanyaran na negosyante sa Bicol Central Station posible soboot an liwat na ipautob an zero cash loan assistance sa panahon kan Covid o kaya an pag-wave nin rental sa bulan kan Nobyembre tanganing makatapar sa kalugihan huli sa nakalihis na raot kan panahon.
Mantang para man sa mga negosyante sa 1st floor kan Naga City People’s Mall pighihiling kun posible man na mai-waved kun pirang porsyento o bulan an saindang rental.
An nasambitan ng aksyon an saro man sa mga paagi tanganing dae mapiritan na mag-adjust nin presyo an mga negosyante huli sa ayuda na gikan sa lokal na gobierno.
Sa ngunyan, igwa soboot natipon na 30-M na kun saen gikan digde pigtagamahan na man nin pondo an relief ops, cash assistance asin mga bulong.
