Nagpagirumdom an Local Comelec office na aakuon pa ang local absentee voting (LAV) registration hasta sa Marso 7.
Sigun sa Comelec, an local absentee voting an sarong pribilehiyo para sa mga kapulisan, sundalo, paratukdo, iba pang mga empleyado kan gobyerno asin mga miyembro kan media na dae makakaboto sa Mayo 12 elections.
Posibleng magpasiring an mga mawot na magparehistro para sa local absentee voting sa anuman na Comelec offices.
An local absentee voting an para sa national positions sana. Isasagibo an botohan para sa LAV magpuon Abril 28 hasta 30 alas-8 nin aga hasta alas-5 nin hapon.
Pagkatapos an botohan, seselyuhan an mga balota saka ipapadara sa LAV division para sa feeding kan mga balota sa automatic counting machine (ACM).
