Lolo, arestado makalihis suloon an sadiring harong sa Naga City
NAGA CITY- Arestado an sarong lolo makalihis na suloon an sadiring harong sa Barangay Penafrancia Naga City.
Sa nakuang impormasyon kan Bombo Radyo Naga, napag araman na pasado 10:30 subanggi kan makubanan an pamilya Dizon makalihis na mahiling na nasusulo na an ikaduwa asin ikatolong iskalon kan harong.
Pigtutubudang igwang sinulo an suspek na si Joselito Dizon, 60-anyos sa laog kan kwarto kaini na posibleng pinunan kan kalayo na marikas na naglakop sa harong.
Katakod kaini, tulos man nagresponde sa lugar an mga personahe kan Bureau of Fire Protection (BFP).
Napag araman na igwang diperensya sa pag-iisip si Dizon na tulos mang pig-arestar kan otoridad asin dinara sa Don Susano Rodriguez Memorial Mental Hospital sa Cadlan, Pili, Camarines Sur.
