NAGA CITY- Labing kamunduan an pighihiling ngunian na rason kan paghugot kan sarong lolo sa laog kan saiyang harong sa Sitio Villa Glinoga 2, Barangay Dulong Bayan, Pitogo Quezon.
Binisto an biktima na si Leonardo Celis, 81-anyos.
Sa nagunong impormasyon kan Bombo Radyo Naga, napag-araman na hahatudan kuta na nin pagkakan kan saiyang aki an biktima kan maabutan kaini an nakabitay na lawas kan saiyang ama.
Sigon sa pamilya kan biktima, nagkahelang soboot an nasambitan ng gurang kan magadan an saiyang agom, duwang bulan na an nakakaagi.
Ini ngunian an pighihiling na rason kan mga otoridad sa likod kan nasambitan ng pangyayari.
