Posibleng maglaog sa Philippine area of responsibility (PAR) saaga, Hunyo 6 an low pressure area (LPA) na nanutaran sa may sirangang parte kan northeastern Mindanao o Caraga region kas bagong alas-3:00 nin pagkahapon.
Basado sa state weather bureau, madara nin pawarak-warak na mga pag-uran an trough o extension kan LPA sa parte kan Eastern Visayas asin Caraga regions.
Pigreport ni state weather specialist John Manalo na may tiyansang mabilog an nasambitan ng LPA komo bagyo. Enkaso man maglaog, ini an kaenot-inuting bagyo sa nasyon ngunyan na 2025 asin aapodon sa local name na “Auring”.
Alagad hababa soboot an tiyansa na mabilog ini komo tropical cyclone sa masunod na 24 oras asin posibleng ma-develop sa weekend o masunod na semana.
Hababa man an tiyansang magkusog ini komo tropical depression.
Piglalaoman man soboot na saro o duwang bagyo an malaog sa nasyon ngunyan na bulan nin Hunyo.
