Nagpapadagos an pigkukundusir na one time big time operation kan Land Transportation Office-Naga.
Sa nagin entrevista kan Bombo Radyo Naga ki Grace Rojas Chief kan LTO Naga, pigsaysay kaini na kan nakalihis na October 4 pigpuunan kaini an operasyon kan One-time bigtime kan nasambitan ng ahensya katabang an PNP, PSO, asin HPG sa syudad nin Naga.
Saro sa mga lugar na pigtutukan ninda iyo an barangay Mabolo kun sain nasa 24 na mga motorista an nadakop, apwera man sa City citation ticket na nasa 90 an saindang na-isyuhan.
Katakod digdi, dakol soboot sindang nadakop na mga motorista huli ta naglalaom an mga motorista na tapos an an operasyon kan nasambitan ng ahensya.
Sigun pa ki Rojas, igwa man ini nin mga law enforcers unit team na nag operate sa syudad puon kan nakalihis na aldaw tanganing malimitaran na magbyahe an mga motorista na dae nagkukua nin lisensya asin nagpaparehistro.
Dugang pa ni Rojas, 3 sa mga nadakop kaini an unregistered mantang kadaklan man na nadadakop ninda iyu an salang paggamit nin seatbelt huli ta nagtutubod si Rojas na natutuod an mga byahero na dae magsulot o maggamit kaini.
Mientrastanto, pagirumdom kaini na kada oras na malunad sa behikulo siertuhon na magsulot nin seatbelt huli ta importante ini partikularmente pag nagkakaigwa nin mga aksidente.
Katakod digde, kun enkaso man soboot na pirming nadadakop huli sa dae paggamit nin seatbelt laoman man na malangkaw na malangkaw an babayadan kaini o kaya masuspende an lisensya kan mga driver.
Pigtawan-duon man ni Rojas na dae soboot pag isipon na magamit nin seatbelt huli sa ley o sa mga penalidad kundi isipon an kasalbaduhan sa pagmamaneho.
