Opisyal nang nakua kan Los Angeles Lakers an committment kan saindang superstar na si Luka Dončić para sa mga masunod na taon.
An Slovenian an matinir na sarong Laker makalihis kaining tintaan an saiyang tulong taon, $165-million maximum na kontrata sa squad kan nakalihis na Agosto 2.
Para ki Dončić, an pagtinir sa 17-time NBA Champions an sarong madaling desisyon na gibuhon. An five-time All-NBA First Team asin man five-time All-Star’s contract an igwa nin player option sa ikatulong taon (2028).
An pag-opt out sa taong ini an nakatalaan sa saiya para sa mas dakulang extension sa Lakers. Dati nang na-trade si Dončić sa Lakers kan nakalihis man na Pebrero 2 sa sarong dakulang deal kun saen kaiba sinda Maxi Kleber, asin Markeiff Morris nagbalyo sa LA, mantang si Anthony Davis, Max Christie, asin sarong 2029 1st round pick sa Dallas Mavericks, asin si Jalen Hood-Schifino asin two future 2nd round pick sa Utah Jazz.
Labing nabigla an 6-foot-6 asin 26 anyos na guard dapit sa saiyang pagbalyo sa Lakers, alagad ganap na inako ni Dončić an pagsusulot kan Purple asin Gold.
Para man sa Lakers President asin General Manager na si Rob Pelinka, an pagkua nin commitment ni Dončić an sarong histroyang lakdang para sa saindang prangkisa.
Ngunyan man na opisyal na an mga bagay-bagay, ibinalik ni Dončić asin kan Lakers an saindang pagtuon sa preparasyon para sa saindang paghahangad nin kampeonato sa mga maabot na taon.
