NAGA CITY – Iridu an mag-ama makalihis masabugan nin granada sa laog kan kwarto kaini sa Pili, Camarines Sur.
Binisto an mga biktima na sinda Christian Almazan asin an 9-anyos na aki kaini.
Sa entrevista kan Bombo Radyo Naga ki LtCol. James Runatay, tagapagtaram kan Camarines Sur Police Provincial Office (CSPPO), sinaysay kaini na nagpapadagos ngunian an imbestigasyon kan mga otoridad para maaraman kung tano may itinatagong rifle grande si Almazan sa harong kaini.
Sigon ki Runatay, enkaso mapatunayan na mayong maninigong dokumento si Almazan, pwede ining mahampang sa kasong may koneksyon sa Illegal possession of explosives.
Marurumduman na gikan sa inuman si Almasan asin paglaog kaini sa saiyang kwarto kan nakadangog na sana nin makusog na pagsabog.
Hasta sa nagtampad sa mga kainuman kaini an iridong mga lawas kan mag-ama na tulos man na idinalagan sa ospital.
Mientrastanto, narekober man kan mga otoridad sa lugar an sarong live rifle grande na mayo na nin pin na pigtutubudang rason kan nasambitan ng pagsabog.
