Pigsunad ni Senator Raffy Tulfo an sarong prosopwestong ley na obhetong magbilog nin magkasuhay na claims court para sa mga Filipino migrant workers.
Obheto kan Senate Bill 1480 na simbagan an nagdadakulang problema sa maluya, magastos asin kumplikadong proseso kan pagresolbar kan labor disputes kan mga Filipino migrant workers.
Sa irarom kan Migrant Workers Relations Commission (MWRC) Act, mabugtak nin magkasuhay na korte para sa mga Overseas Filipino Worker (OFWs) asin ini an solusyon sa mga naglalangkaw na kaso kan mga pagbalgar sa contract employment, hiring, processing, asin termination kan mga migrant workers.
Pigtukdo kan senador na basado sa tala kqn National Labor Relations Commission (NLRC), nagpakol sa 30,000 an mga kaso na saindang pigproseso kada taon huli sa maluya asin dakol na backlog sa mga OFW cases.
Sa prosopwesto, an MWRC an magkakaigwa nin hurisdiksyon sa gabos nin mga kaso kan mga Filipino migrant workers, sa parehas na land-based asin sea-based, asin igwa o mayong collective bargaining agreement an OFW.
