Nakatalaan nang magpaluwas nin subpoena an Philippine National Police – Criminal Investigation and Detection Group (PNP-CIDG) laban ki Senador Ronald “Bato” dela Rosa bilang parte kan liwat na pagbukas kan imbestigasyon sa labi sa 100 na reklamo may kinaaraman sa suboot extrajudicial killings sa Davao Region.
“The CIDG will issue a subpoena tomorrow to General De La Rosa to appear personally before the CIDG office here in aid of the investigation of the previous crimes,” segun ki Remulla.
Segun ki Department of the Interior and Local Government (DILG) Secretary Jonvic Remulla, ipapaapod an senador ngani na personal na mag-atubang sa CIDG bilang parte kan imbestigasyon sa mga insidente kan siya pa an Davao City Police Office director asin regional police chief sa rehiyon.
Piglinaw man kan opisyal na mayo nin mandamiento de aresto hale sa International Criminal Court na ipapadara asin mayo man nin plano na arestaron si dela Rosa.
“There will be no handcuffs. It is merely a subpoena for investigation, not an arrest warrant,”
Sinabi kan CIDG na mawot nindang direktang makua an lado ni dela Rosa, na iyo man an dating hepe kan Philippine National Police kan panahon kan pinakahalangkaw na kampanya kan nakaaging administrasyon sa gera sa droga.
Sa ibong na lado, ibinugtak man sa alert status an mga airports, seaports, asin iba pang exit points sa nasyon tanganing mabantayan an mga hiro asin posibleng paghale kan senador mantang padagos an imbestigasyon.
