Pigsierto ni Senator Christopher “Bong” Go an pag-aprubar sa Magna Carta of Barangay Health Workers (BHWs) para sa mas marhay na benepisyo, pangangatama sa derichos asin security of tenure kan mga BHWs.
Sa pigsunad na Senate Bill 412 ni Go, pigtatawanan nin bulanang honorarium para sa mga registered BHWs na dae mababa sa P3,000 asin P5,000 monthly honorarium man sa mga certified BHWs.
Siringman, pigsierto man kan propwesto an pagkakaloob kan transportation asin subsistence allowance, hazard pay, insurance coverage asin health emergency allowances tuyong igwa nin national health emergencies.
Pinabibigyan man an mga BHWs sa irarom kan propwesto nin cash gift tuyong Disyembre na katampad kan sarong bulang honorarium asin one-time service recognition incentive para sa mga nagsirbi sa laog nin 15 taon.
Para man sa professionalization kan mga BHWs, pinagtatalaan an DOH asin mga LGUs kan Registration asin Certification Standards para sa mga BHWs asin kaipohan man nindang magsairarom sa orientation asin training antes tawan nin certification kapag nakapagserbisyo na nin duwang taon.
An Magna Carta for BHW’s an pinagtibay kan 19th Congress alagad dae ini naging ley nin huli ta nagkaigwa nin bicameral conference tanganing pagtugmaon an magkaibang bersyon kan Senado asin Kamara.
