Pinapakusog kan 2nd Mechanized Infantry “MAKASAG” Battalion kan Philippine Army an saindang preparasyon tanganing maseguro an seguridad para sa maabot na 2026 Bangsamoro Parliamentary Elections.
An yunit padagos na nag-iimplementar nin manlaen-laen na lakdang sa seguridad sa saiyang Area of Responsibility tanganing maseguro an sarong ligtas, matoninong, asin areglado na proseso nin eleksyon.
Kabali sa mga lakdang na pig-implementar iyo an mas pinakusog na koordinasyon sa mga lokal na gobyerno, law enforcement agencies, higher headquarters, asin iba pang mga partner agencies asin organizations tanganing mapakusog an seguridad sa panahon kan pirilian.
Tinawan man nin duon kan liderato an importansya kan pagmantenir kan propesyonalismo, disiplina, patas, asin estriktong pagsunod sa non-partisanship kan gabos na personahes mantang naggigibo kan saindang mga trabaho.
Katuyuhan kan mga lakdang na maseguro an deretso kan lambang Bangsamoro na libreng magpili kan saindang mga representante na mayong takot, pananakot, o ano man na klase nin pakikiaram.
Kasabay kaini, orog pang pinapakusog kan MAKASAG Battalion an pakikipag-ulay sa komunidad asin inter-agency coordination tanganing tulos na maaraman asin masimbagan an anuman na posibleng banta sa seguridad.
Inasegurar kan yunit an saindang preparasyon na suportaran an pagsasagibo nin matoninong, ligtas, asin areglado na pirilian susog sa eksistidong ley asin mandato kan Philippine Army.
