NAGA CITY – Makusog na pag-uran an nagkawsa kan pagrasay nin daga sa Barangay Sta. Cruz Caramoan Camarines Sur.
Sa entrevista kan Bombo Radyo Naga ki Jennifer Kristine Galang – Acting Chief of Police – Caramoan MPS na haros nasakop na an bilog na tinampo asin dae ini passable bandang alas 11 nin pagka-udto kasuudma, Enero 3, 2026.
Basado sa nagin assessment kan MDRRMC kan LGU dae soboot kaya mahali kan mga tawo sana an bara sa agihan kaya nagrequest naman soboot sa DPWH nin mga dugang na equipment tanganing maparekas an pagsaayos kan dalan.
Pasado ala-una nin pagkahapon kasuudma pasiring naman an equipment gikan sa DPWH tanganing isagibo an operasyon sa dalan.
Asin bandang alas 6:30 nin pagkabanggi Road Passable na an nasambitan na Barangay.
Padagos man na pig-eenkaminar ni Galang an publiko na magbyahe sana kun salbado asin hilingon an kasalbaduhan kan dudumanan magin man an sadiri tanganing malikayan an anuman na pangyayari.
