Pighurot kan Malacañang na dapat manaig an proseso asin rule of law katakod kan pagsusunad kan ikatolong impeachment complaint kontra ki Vice President Sara Duterte.
Sigun ki Palace Press Officer Undersecretary Claire Castro, nagtitinir an posisyon kan Presidente na dapat igalang an mga nag-iiral na proseso sa Kongreso asin pabayaang maggulong an mga mekanismong pigtalaan kan ley.
Dugang pa ni Castro, maninibag an dapat manimbag.
An pahayag ni Castro an simbag sa pigsunad na ikatolong impeachment complaint kasuodma kontra sa Vice President kan sarong religious group na inendorso ni ML Partylist Rep. Leila De Lima.
Enot ng sinaysay ni Presidente Ferdinand Marcos Jr na saiya ng pigpapaubaya sa Kamara an proseso sa pagkapot sa impeachment case kontra ki VP Sara.
Kumpiyansa an Presidente sa kakayanan kan House of Representatives sa pag handle sa impeachment complaint.
