Aram baya nindo mga ka-bombo, an ataman na manok kan sarong babae sa Texas an pigbisto komo pinakagurang sa bilog na kinaban kan Guinness World Records sa edad na 14 years and 69 days old.
Sigun ki Sonya Hull, napisa an manok na igwang pangaran na si Pearl sa personal kaining incubator kan March 13, 2011.
Katakod digde, pigkumpirmar man kan Guinness World Records na si Pearl an opisyal na may kapot kan titulo na world’s oldest living chicken.
Pigsaysay man ni Sonya na an paghiro ngunyan kan saiyang manok an limitado na kaya man pirme ining yaon sa laundry area kan saindang harong.
Apwera digde, close man soboot si Pearl sa saiyang ikos kaya dae nadipisilan an pag-aataman sa mga ini.
Mientrastanto, an dating may kapot kan titulo an gikan sa Illinois asin ini an igwang pangaran na Peanut, na binawian man nin buhay kan Disyembre 25, 2023, sa edad na 21 years and 238 days old.
