Pigbuyagyag kan beteranang actress na si Maricel Soriano na nagsapo ini nin spinal arthritis na nakakaapektar sa saiyang liog asin nagresulta sa sakit kaining paglakaw.
Naghadit kaya an mga fans kaini sa video kan saiyang ika-60 kaaldawan kun saen pig-alalayan ini kan tawo huli sa sakit sa paglakaw.
Sinaysay kaini na nagtatao an nasambitan ng helang nin labing kulog gikan sa saiyang liog hasta bitis kaya apektado an paglakaw kaini.
Nagpapadagos an saiyang pagbulong kun saen igwang steroids na pigtudok sa saiyang spine.
Apwera pa digde, igwang si Maricel nin “pinched nerve” na namana gikan sa saiyang mga magurang.
Pigkokonsiderar kaini an pagsasairarom sa operasyon siring kan nagin abiso kan saiyang mga amigo.
Piggibo kaini ngunyan tanganing maibsan an saiyang helang iyo an paglakaw-lakaw sa may swimming pool.
