Pinasalamatan ni Mary Jane Veloso si Presidente Ferdinand Marcos Jr. asin Indonesian Prabowo Subianto asin gabos na mga nagtabang tanganing ini makabwelta sa Pilipinas makalihis an 14 na taon na pagkakakulong sa Indonesia.
Kaining banggi nin miyerkules an pag-abot si Veloso sa Soekarno-Hatta International Airport mantang pabweltada na ini sa nasyon.
Sinaysay kaini na mawot na makapag-simba pag-abot sa Pilipinas.
Kaibi kaining nagsakay sa eroplao an pirang opisyal kan Department of Foreign Affairs (DFA) sa pangengenot ni Undersecretary Eduardo de Vega.
Pag-abot sa Pilipinas kaini aga nin Miyerkules an madiretso tulos ini sa Correctional Institution for Women sa siyudad kan Mandaluyong para sa limang aldaw na quarantine.
Marurumduman na nahahampang sa padusang kagadanan an 39-anyos na si Veloso makalihis na makuahan nin nin 2.6 kilos kan heroin sa Indonesia kan nakalihis na taong-2010.
Taong-2015 kan paramientras na pigkanselar kan nakalihis ni Indonesian President Joko Widodo an saiyang nakatalaang pagbitay.
Kan nakalihis na bulan kan Nobyembre an nagkaigwa nin kasunduan an Pilipinas asin Jakarta tanganing ibalyo sa nasyon si Veloso.
