Padagos an effusive eruption kan Bulkan Mayon sa ika 104 na aldaw kan aktibidad kaini.
Alas 4:10 nin aga, nairehistro kan bulkan an bulos kan sparkling lava, pyroclastic density currents o an inaapod na uson, asin parating pagbagsak nin gapo hale sa bulkan.
Nagtitinir man giraray sa Alert Level 3 an estado kan bulkan, na nangangahulugan na igwa nin padagos na kariribukan asin posibilidad na mas lalong magkusog pa an aktibidad.
Mahigpit na ipinagbabawal an paglaog sa 6-kilometer Permanent Danger Zone (PDZ) tanganing maibitaran an peligro sa pampublikong buhay.
Advertisement
Pinapagirumduman man an mga residente na magdanay na alerto asin magsunod sa mga abiso kan mga otoridad.
Advertisement
