Pasiring na sa Cebu an haros 40 doktor na lunad kan BRP Teresa Magbanua (MRRV-9701). Kaiba man ninda an nagkapirang nurse asin medical personnel gikan sa Philippine Coast Guard (PCG).
An deployment an parte kan marikas na pagsimbag kan gobyerno sa mga pangangaipuhan kan mga biktima kan makusog na linog na tumama sa rehiyon kan nakalihis na banggi.
An BRP Teresa Magbanua, saro sa pinakamodernong multi-role response vessels kan PCG, an ginagamit sa mga humanitarian missions, search and rescue operations, asin medical deployments sa mga lugar na apektado kan kalamidad.
Sa pagkakataong ini, obheto kan mga medical frontliners na siertuhon an kasalbaduhan, salud, asin seguridad kan mga residente sa mga apektadong lugar, mantang nagtatao nin direktang suporta sa mga lokal na ospital asin evacuation centers.
Sigun sa PCG, an misyon an bako sana para sa tulos na medikal na pangangaipuhan kundi para man sa mas mahewas na rehabilitasyon asin pagbangon kan mga komunidad.
Kaiba sa saindang dara iyo an mga medical supplies, relief goods, asin kagamitan para sa emergency response.
