Suportado ni Education Secretary Sonny Angara an pagbabawal sa paggamit nin social media kan mga menor de edad, basta dai kaiba sa restriksyon an mga aplikasyon na importante sa pag-adal asin iba pang kapaki-pakinabang na gibo.
Segun ki Angara, pwedeng ipatupad an pankagabsan na pagbabawal sa social media para sa mga aki, mantang tinutugutan an mga aplikasyon na ginagamit sa pag-adal.
Ini kasunod kan pagtulod kan gobyerno nin mas mahigot na lakdang tanganing protektahan an mga estudyante, orog na sa tahaw kan mga nairehistrong makagadan na insidente nin karahasan sa laog kan mga eskwelahan.
Naroromdoman na inaprobaran kan Senado sa ikatolong asin huring pagbasa kan Oktubre 8 an panukala na nagbabawal sa mga aki na kulang sa 16 anyos na gumamit nin mga sakop na social media platform.
Nag-uswag man sa Kamara an suway na panukala na nagtatakda man nin 13 anyos bilang minimum na edad para makagamit nin social media.
