NAGA CITY – Nag-abot na sa 4.36 million an numero kan mga bagong botante na nagsunad kan saindang rehistro sa Commission on Elections puon kan binukasan an voter registration kan Pebrero.
Mas dakul sa mga bagong botante an mga babae na nag-abot sa labi 2.2 million mantang 2.1 million sana an kalalakihan.
Nagtetenir an CALABARZON Region(R4A) na may pinakadakul nin numero kan mga bagong botante sa 742,925.
Pigsunudan man ini kan National Capital Region na may 603,496 registrants.
Pantolo igdo an Central Luzon na may 510,503 applicants, pang-apat an Davao Region na igwang 255,213, mantang panglima man an Central Visayas na may 230,946.
An Cordillera Administrative Region(CAR) man an may pinakahababang numero kan mga bagong botante na nag-abot sana sa 57,709.
Sigun ki Comelec spokesman John Rex Laudiangco ini nin huli ta an Cordillera an may pinakahababang populasyon kumparar sa ibang mga rehiyon sa nasyon.
