Nagkundusir nin sarong press briefing an COMELEC sa pamamayo ni Comelec Chairman George Garcia kaiba si PNP spokesperson Allen Rae Co kasuudma aldaw nin Lunes, Setyembre 14, katakod kan pinakaenot na parliamentary elections kan Bangsamoro Autonomous Region in Muslim Mindanao (BARMM).
Naihapot ki Co kun baga generally peaceful an parliamentary election alagad tulos man ining sinimbag ni co nin positibo, asin sinasabing an mga insidente nin pagpaputok mga isolated sana man.
Sigon pa ki Co, an PNP nakapagrehistro nin tulong (3) nagadan asin nagkapirang nairido kasunod kan mga insidente nin pagsabog asin pagpaputok.
Sinabi man ni Comelec chair Garcia, na an mga insidente sa Cotabato City nakakamundo.
Mientrastanto, duwang (2) lugar sa Bangsamoro an idineklarar na nasa irarom kan Comelec control kasunod kan mga insidente nin pagpaputok asin mga pre-shaded ballots.
Sarong insidente nin pagpaputok an nangyari sa Central Pilot Elementary School sa Cotabato City, kun sain tulong (3) indibidwal, kabali an sarong pulis, an nalugadan.
Sigun ki Garcia durante kan sarong press conference sa hapon, an mga paratukdo na nagserbing election officers naghabo nang magbalik sa mga polling precincts.
Sarong engkwentro nin pagpaputok sa pag-ultanan kan PNP Special Action Force asin sarong dai midbid na armadong grupo an nangyari man sa Shariff Saydona Mustapha sa Maguindanao del Sur.
