Mayo nin plano an Commission on Elections (Comelec) na kontrolon an Datu Odin Sinsuat, Maguindanao del Norte ngonian na election period sa ibong kan pag-ambush sa convoy kan Bangsamoro Autonomous Region in Muslim Mindanao (BARMM) Interim Chief Minister Abdulraof Macacua.
Sa intrevista ki Comelec Chairman George Erwin Garcia, dawa ngani pwedeng ikonsiderar na election-related violence an nasambitang pangyayari, kampante ini na dae na ini mauutro asin magigin komportable an mga taga-BARMM sa maabot na pirilian sa parlamento.
Sinabi niya na naghagad na sinda nin tabang sa Armed Forces of the Philippines (AFP) para sa seguridad ngani na naka-standby na sinda tanganing dae na maalarma o mahadit an publiko sa BARMM.
Limang persons of interest suboot an pigtutukan ninda asin pighahalat na sana an resulta kan imbestigasyon.
Sa ibong kaini, sinabi ni Garcia na padagos an preparasyon para sa pirilian kan BARMM, na luway-luway na pigpapadara an mga kagamitan na may kinaaraman sa pirilian.
Pigsierto man asin piglalaoman kan opisyal kan Comelec na magiging areglado, matoninong asin daing problema an pirilian.
