Ipighurot ni Senator Grace Poe na dapat parekason an paggamit kan eTravel System para sa mga pasaherong maabot asin mahali sa Pilipinas.
Sigun ki Poe, naglalangkaw an mga reklamo kan mga pasahero sa time consuming na requirement.
Pinagtawan-duon man kaini na marhay an obhet kan eTravel System, alagad dae dapat ini magkawsa nin abala sa mga pasahero.
Kapwa nagrereklamo na an mga internet-savvy asin technologically-challenged sa pag-access sa app huli sa dakul kan detalye na pighahagad tangani na makumpleto an proseso.
Kabali pa soboot sa bangungot kan mga pasahero an isyu kan availability kan internet sa mga airports asin an mga pawara-warang koneksiyon.
Dugang pa ni Poe na pwedeng magtabangan an Bureau of Immigration asin Department of Information and Communications Technology tanganing gibuhon nin mas marhay asin marikas na an digital data collection platform.
Inihayag pa ni Poe na dapat magkaigwa nin sarong eTravel System na ligtas, madaling gamiton asin mas marikas para sa mga bisita na naglalaog asin nagluluwas sa nasyon.
