NAGA CITY – Mapakol sa poco mas o menos 1000 na mga evacuees an ee-ebakwar sa CBSUA-Pili katakod man sa bagyong Uwan. Sigun ki Maripe M. Barcena- EOC Manager- MDRRMO Gainza, na kasuodma pa Nobyembre 8, nagkaigwa na sinda nin pag-briefing sa SRR Team para sa force evacuation sa walong barangay, kun saen duwang team soboot an naka-deploy asin an sarong team o an Team A an nasa lower portion kan Barangay, asin man an Team B an nasa upper portion.
Dugang pa kaini, na sa saindang isinagibong force evacuation, nakipag-kooperar man an mga konstituwentes asin mayo man na nagkotra dapit digde kun saen kasabay kaini, sainda man na isinagibo an pagbabandilyo sa lugar, tanganing mapatanidan an mga residentes na magpreparar.
Pigheras pa ni Barcena na an saindang estimated na ma-ebakwar an mapakol sa 1, 432, alagad sa presente mayo pa soboot sa sainda an reports kan mga evacuees.
Sa ngunyan, pagiromdom na sana kan opisyal sa gabos na mga taga-Gainza na dae na soboot paghalaton an makusog na duros asin uran kan bagyo, asin kun pwede ngunyan pa sana, magpasiring na soboot sa mga pigtalaan na evacuation centers kan saindang banwaan, tanganing makalikay sa anuman na katibaadan na posibleng mangyari.
