Pigkumpirmar kan grupo kan mga negosyante sa nasyon na dakol an mga dayuhang investors an nahahadit asin nagduduwa-duwa na magbugtak nin negosyo sa Pilipinas.
Katakod ini sa mga naibuyagyag na anomalya sa mga flood control projects sa nasyon.
Sigun ki ASEAN-BAC Philippines chairperson Joey Concepcion na igwang mga naghahapot sa sainda na mga dayuhang investors dapit sa nasambitan na isyu.
Mawot nindang siertuhon na dae pa matindi an lebel kan korapsyon na nangyayari sa nasyon.
Advertisement
Dugang pa ni Concepcion na makakatabang an imbestigasyon asin mapanimbag an mga imbwelto tanganing mawara an kahaditan kan mga foreign investors.
Advertisement
