Liwat na ipapautob kan Commission on Elections (Comelec) an mga inobasyong ginamit kan nakalihis na May 12 midterm elections sa nararani na Barangay asin Sangguniang Kabataan Elections (BSKE) sa bulan nin Disyembre.
Sigun ki Comelec spokesperson John Rex Laudiangco, kabali sa mga inobasyong ini an amay na pagboto, mall voting, asin man an priority polling places para sa mga kabali sa vulnerable sectors siring na sana kan senior citizens, persons with disabilities (PWDs), asin man mga nagbabados.
Dugang pa ni Laudiangco, pighihiling man kan Comelec an.posibilidad nin paggamit kan automated counting machines (ACMs) sa piling mga lugar sa nasyon tangani man labi pang maparikas asin mapahusay an pagbibilang kan mga boto.
Soboot, padagos an mga nagin preparasyon kan Comelec para sa BSKE na nakatalaan man sa papaabutong bulan nin Disyembre 1, hasta sa mayo pang ley na nakatalaang ipagpauktaba ini.
Basado sa Comelec Resolution No. 11132 na iniluwas kan nakalihis na Abril 21, pigtalaan an election period magpuon Oktubre 21 hasta sa Disyembre 31, 2025.
Sa nasambitan ng panahon, mahigot na ipagbabawal an pagdadara nin armas asin man an iba pang nakakagadan na sandata.
