NAGA CITY- Padikit-dikit pa sana an nagpaparehistro para sa 2026 Barangay asin Sangguninang Kabataan Election.
Sa entrevista kan Bombo Radyo Naga ki Erlinda Saulon, Election Officer kan Comelec-Bato, sinaysay kaini na hababa an turn out kan voter’s registration sa presente orog na ta haloy pa soboot an eleksyon.
Sigun pa ki Saulon, nag-abot pa sana sa 121 an bagong mga registrant kun saen an average kada aldaw an nagpapakol sa 5 hasta 10 sana.
Dugang pa kan opisyal, mayong satellite registration sa presente huli ta kakatapos pa sana kan Bagyo.
Katakod kaini, liwat na pinagirumduman ni Saulon an publiko orog na sa mga first time registrant na magdara kan saindang any government issued ID huli ta ini an saro sa mga importanteng requirements.
Siringman, bukas an Comelec-Bato para sa mga ma-transfer alagad mayong order an komisyon sa deactivation.
Mientrastanto, ipinapasabot man sa publiko na mayong isasagibong registration sa maabot na December 24, 25, 30 asin 31 siringman sa January 1, 2026.
Apwera digde, mayo man registration sa April 2, 3 and 4.
Sa ngunyan, sa mga mawot mag-avail kan nagpapadagos na Voter’s Registration bukas soboot an opisina kan Comelec-Bato puon alas 8 nin pagka-aga hasta alas 5 nin pagkahapon puon Lunes hasta Sabado siringman sa nagkapirang mga holidays.
