Pigpuonan na kan nagkapirang mga national boxers kan nasyon an saindang ensayo para sa manlaen-laen na torneo ngunyan na taon.
Pigsaysay ni Association of Boxing Alliances in the Philippines secretary-general Marcus Manalo, na nangenot sa nasambitan ng training camp sa Baguio City an 32-anyos na si Nesthy Petecio.
Masunod man sinda Carlo Paalam na igwang pigtatapos na personal na kalakawan mantang si Aira Villegas an nasa military duties pa.
Pighahalat pa man ninda an desisyon ni Hergie Bacyadan asin Eumir Marcial kun mapartisipar sa training camp.
Nagkapira sa mga target nindang mabalihan an torneo sa Korea na ikukundusir sa bulan kan Abril, World Championship sa Liverpool sa bulan kan Setyembre, World Cup sa bulan kan Nobyembre na ikukundusir sa New Delhi, India asin an Southeast Asian Games sa Thailand na isasagibo sa bulan kan Disyembre.
