Pig-anunsyar ni Department og Agriculture (DA) Secretary Francisco Laurel Jr. na ibabali na man an mga paratukdo asin non-teaching personnel gikan sa pampublikong eskwelahan sa P20/kilo rice program puon sa Oktubre kan presenting taon.
Katakod kaini, nakikipag-koordinar na soboot an ahensiya sa Department of Education (DepEd) tanganing makapagpreparar sa panibagong kabtang kan programa.
Pigsasapinal na soboot an listahan kan mga benepisyasyo alagad igwang tiyansa na ibali an gabos kan school personnel depende sa salary-grade.
Ipinaliwanag kan DA Chief na pigkokonsiderar ninda sa pagpepreparar sa pagpapautob kan programa an dakol kan manpower kan DepEd komo saro sa pinakadakulang ahensiya kan gobyerno, na igwang 800,000 paratukdo asin staff sa bilog na nasyon.
Target man na i-rolyo an baynte pesos kan bagas para sa mga school personnel sa Oktubre 15.
