Pigpapatinir kan mga otoridad sa Los Angeles an mga residente na magin alerto huli ta dae pa natatapos an peligro kan wildfire.
Pigsaysay ni Los Angeles Fire Chief Kristin Crowley na laoman an makukusog na duros na iyo man an magkakawsa nin pagkuriyat kan wildfire sa lugar.
Nasa labi 88,000 na residente pa man an nagtitinir na naka-ibakwar mantang haros 85,000 man an nasa evacuation warnings.
Pigpapakuriyat naman kan mga otoridad an mga bumbero sa pig-aapod na “high-fire-risk areas” sa Los Angeles asin dae pa nag-uuntok an mga ini na halughugon an mga kaharongan tanganing makahanap nin mga nasulo na residente.
Labi 50 katawo na man an saindang naarestrar na nagpipirirt na maglaog sa mga kaharongan asin naghahabon. Enot ng nagpatanid an National Weather Service na magpapadagos an Critical to Extremely Critical na Fire-weather conditions nin hasta sa Huwebes.
