Nagkasundo an mga miller asin rice importers na itatalaan sa P17 hasta P21 pesos per kilo an pagbakal sa pig-aning paroy kan mga lokal na mga paraoma.
Kasunod na man ini kan pakikipag-ulay ni Agriculture Secretary Francisco Tiu Laurel sa grupo kan mga rice millers asin mga rice importers.
Sa pulong balitaan, pigsaysay ni DA Spokesperson at Assistant Secretary Arnel de Mesa, na susog sa napagkasunduan, babakalon sa kantedad na P17 pesos an wet palay mantang P21 pesos man para sa dried o marang paroy.
Sigun pa ki De Mesa, ipapautob ini sa Nueva Ecija, Nueva Vizcaya, Bulacan, Pangasinan, Ilocos asin sa iba pang lugar.
Obheto kan lakdang na magkaigwa nin dakulang kita an mga paraoma asin gibuhong abot kaya an presyo kan bagas.
Basado sa monitoring kan DA, nagkakawat sa 40-42 pesos an kada kilo kan regular milled rice mantang nasa 45 pesos an kada kilo kan well milled rice.
