Padagos na nagbulos an mga pangadyi kan mga debotong Pilipino para sa presenteng namamayo kan simbahang Katolika na si Pope Francis.
Kung saen, pigsasagibo ngunyan kan manlaen-laen na mga simbahan an padagos na pagpangadyi tangani na maka-recover gikan sa naeeksperyensyhang helang kan nasambitan ng Santo Papa.
Ini an makalihis na iluwas kan Arsobispo kan Maynila na si Archbishop Jose Cardinal Advincula an sarong apela na nag-aagda na ibali an instensyon kan kagalingan sa mga pigkundisir na misa sa mga parokya.
Huli man digde, padagos na pig inkaminar kan mga lider kan simbahan an publiko na ipangadyi an marikas na pagrahay kan kamugtakan ni Pope Francis.
Saro sa mga ini an presidente kan Catholic Bishops’ Conference of the Philippines na si Cardinal Pablo Virgilio “Ambo” David, na pig inkaminar an mga Katoliko na ipagpadagos an saindang pagpamibi para sa Santo Papa.
Marurumdumang nagin harani sa puso kan mga debotong Pilipino si Pope Francis makalihis ining magbisita kan nakalihis na taong 2015 digde sa nasyon.
Kaya man, an Archdiocese of Manila masagibo ngunyan na aldaw nin sarong prayer vigil para sa nasambitan ng Santo Papa na pangengenutan man mismo kan arsobispo kaini na si Archbishop Jose Cardinal Advincula sa Manila Cathedral.
