Nakua ni Carlos Yulo an pinakaenot na bulawan na medalya kan Pilipinas sa 20th Asian Games matapos magkampeon sa men’s floor exercise final kan nakaaging Huwebes sa Nagoya City General Gymnasium.
Nakapagtala si Yulo nin 14.666 puntos tanganing makua an gold medal, mantang silver si Milad Karimi kan Kazakhstan asin bronze si Shoma Tsukiyama kan Japan.
Nakapagtala man nin 12.223 puntos an saiyang nguhod na tugang na si Karl Eldrew Yulo asin nagtapos sa ikapitong pwesto sa saiyang Asian Games debut.
Ini an pinakaenot na Asian Games gold kan Pilipinas sa artistic gymnastics asin saro pang dakulang kapangganahan para ki Yulo, matapos an duwang bulawan na medalya kaini sa 2024 Paris Olympics.
Igwa pa nin oportunidad si Yulo na dugangan an saiyang mga medalya sa vault asin parallel bars finals sa Setyembre 25.
