Naobserbaran an sarong minor phreatomagmatic eruption sa main crater kan Taal Volcano kasuodmang Biyernes nin hapon, Disyembre 26 sigun sa Philippine Institute of Volcanology and Seismology (Phivolcs).
Sigun sa Phivolcs, nagpuon an pagsabog bandang alas-4:36 nin hapon asin pigbibilog kan apat na pulses na naghaloy nin tigduruwang minuto kada saro, basado sa seismic asin camera data.
Sigun sa report, an nasambitan ng pagsabog an nagluwas nin mahibog na aso na nag-abot sa langkaw na 600 metro gikan bunganga, basado sa kua kan Main Crater IP Camera.
Alagad maski pigkokonsiderar na minor o sadit an nasambitan ng pagsabog, nagtitinir na nasa alert level 1 an Taal Volcano, kaya padagos na pigpapagiromdoman kan Phivolcs an publiko na dae maglaog sa Permanent Danger Zone (PDZ), partikular na sa main crater asin mga kataid na lugar, huli sa posibleng biglaan na steam-driven o phreatomagmatic eruptions.
