Padagos pa man an gobyerno sa pakikipagtabangan sa mga pribadong sektro sa paggibo nin mga lakdang tanganing masolusyonan an mga pagbaha sa Metro Manila.
Katakod kaini an nakatalaan man na magsanib pwersa iyo an Metropolitan Manila Development Authority asin San Miguel Corporation tanganing matawan nin solusyon an pagbaha sa parte kan Commonwealth Avenue.
Enot nang binaha an nasambitan ng lugar an huli sa mga pag-urang na-eksperyensiyan dara kan habagat.
Personal na pinangenotan ni MMDA Chair Romando Artes kaibahan an mga contractor kan SMC asin nagkapirang representantes kan mga lokal na gobyerno kan QC an pagsasagibo nin inspeksiyon sa irarom kan MRT-7 Batasan Station.
Kaibahan sa mga napagkasunduang tulos na solusyon iyo an pagpapahewas kan presenteng drainage system tanganing dae matipon an tubig baha sa mga tinampo asin marekas ining magbulos sa mga pinakaharaning creek sa lugar.
Isinagibo man an paglilinig sa nasambitan ng drainage kun saen nakua digde an mga nakabarang plywood, plastik asin darakulang gapo.
Sinaysay man kan MMDA na saindang pigbubusol an pagbilog kan drainage master plan komo panghaluyang solusyon sa baha tuyong panahon nin tag-uran.
