Pigsugo ni Presidente Ferdinand Marcos Jr.sa Department of Agriculture (DA) na siertuhong marhay, salbado, asin matibay an gabos ka farm-to-market road projects kan gobyerno.
Sigun ki Palace Press Officer Claire Castro, mawot kan Presidente na mabantayan an lambang proyekto tanganing masierto na tama an pagkakagibo asin matatapos sa tamang oras.
Dapat soboot mamatean kan mga paraoma asin parasira an benepisyo kan mga tinampo, orog na sa mas marekas asin mas baratong pagdadara kan saindang produkto sa merkado.
Pigsugo man kan Presidente na tulos bayadan an mga contractor na marhay an trabaho asin nagsusunod sa kontrata.
Sa ngunyan, mayo pang pigluluwas na detalye an Malacañang dapit sa kabilogang kantidad na babayadan sa mga contractor, mantang padagos an pagbabantay sa mga nagpapadagos na proyekto.
